उंदीर...

मनाच्या गाभार्यात बेशुद्ध पडलेला उंदीर

आज चुळबूळ करत आहे..

त्याच्या शरिराला ऊब मिळाली आहे ना..

गाभारा आज तापला आहे..

भयंकर गरम..

हे स्वच्छ मन आज पुन्हा उध्वस्त होणार..

कितीदा आवरा, सावरा..

पण हा उंदीर..

हा काही मनाला स्वच्छ राहू देत नाही,

गभारा तापतो..

ह्याला ऊब मिळते..

अचानक पुन्हा जिवंत होतो..

मनात थैमान मांडायला सुसज्ज,

मनातल्या चांगल्या विचारांच्या चिंध्या चिंध्या करतो

पण मार खाल्लेला बिचारा उंदीर.. 

हे उद्धवस्त झालेलं आणि विस्कटलेलं मन उराशी देऊन पुन्हा निपचीत गाभार्याच्या एका कोपऱ्यात पडून रहातो...

पुन्हा उद्याच्या थैमानासाठी शक्ती एकवटण्यासाठी...